የኢትዮጵያ ንግድ ባንክ የስራ ሃላፊዎች በህግ እንዲጠየቁ ዋና ኦዲተር ጠየቀ

የባንኩ ሀላፊዎች የወጣቶች ተዘዋዋሪ ፈንድን እንዲያስተዳድሩ ሃላፊነት ቢሰጣቸውም ሀላፊነታቸውን በአግባቡ አልተወጡም ፤በዚህም ከፍተኛ ኪሳራን በመንግስት ላይ አምጥተዋል ይላል ዋና ኦዲተር፡፡

ዋና ኦዲተር ቤሮ ይህንን ያለው የ2010 በጀት አመት የበጀትና የዕቅድ አፈጻጸምን አሰመልክቶ ያከናወነውን ስራ በተመለከተ ለህዝብ ተወካዩች ምክርቤት ሪፓርቱን ባቀረበበት ወቅት ነው፡፡

በመሆኑም ስራቸውን ባግባቡ ያልተወጡ የባንኩ አመራሮች በህግ ይጠየቁ ሲል ዋና ኦዲተር ምክር ቤቱን ጠይቋል፡፡

የተመደበው 10 ቢሊዮን ብር ለታለመለት አላማ ስለመዋሉ በኦዲት ማረጋገጥ አልተቻለም ያለው ኦዲት ቢሮ በድሬዳዋ ከተማ ብቻ ከ ፈንዱ ብድር የወሰዱ 124 ኢንተርፕራይዞች በስራ ላይ አለመገኘታቸውን በማሳያነት አንስትዋል፡፡

መጠኑ አነስተኛ ቢሆንም ይህን መሰል ሁኔታ በአዲስ አበባ ከተማ አስተዳደር እንደሚታይ የኦዲት ግኝቱ አመላክትዋል፡፡

በዚህም መንግስት የተዘዋዋሪ ፈንዱን አፈፃጸም በተመለከተ ፈጣን እርማት ሊያደርግ እንደሚገባና የስራ ሃላፊነታቸውን ያልተወጡ የኢትዮጲያ ንግድ ባንክ የስራ ሃላፊዎች በህግ እንዲጠየቁለት አሳስቧል።

Leave a Reply

Your email address will not be published. Required fields are marked *